»₪][.◊◦ مدام الحزن ما رجّع اللي أنا اغليها◦◊.][₪«

»₪][.◊◦ مدام الحزن ما رجّع اللي أنا اغليها◦◊.][₪«

--------------------------------------------------------------------------------







السلام عليكم ،،


قصيدهـ منقوله ،، بس ما ادري لمين ،، لكن شاعر جدا مبـــدع ..





أنا من تعلم في حياته يصير انسان
عرف للبداية والنهايات يرجيها
شرب حلوها والمر من سالف الأزمان
ولقاها سرابٍ تخدع اللي وثق فيها
تعلمت منها أسلى إذا هاجت الأحزان
مدام الحزن ما رجّع اللي أنا اغليها
وتعلمت كيف أصبر على الظلم والعدوان
اسامح بجهدي لكن الراس ما حنيها
وتعلمت أعز النفس والنوم لو جوعان
ولا اذل نفسٍ ربي اللي مسوّيها
وتعلمت احكم النفس مهما أكن غضبان
اوطّي عليها ثم بالحلم اداويها
وتعلمت أقول الحق لو كنت انا الخسران
خسارة بدنيا خير من نارٍ اصليها
وتعلمت إذا اخطيت ابحث عن الغفران
واشيل الحقوق ، المظلمة ما أدانيها
وتعلمت أخاف الله في السر والإعلان
معي دوم حاضر خالق النفس يدريها
اشوف الخلايق جامحة كنها القطعان
تسابق بها الدنيا وتجهل مواطيها
تحتها خلايق قبلها كان ياما كان
لها شان في الدنيا ولا جيب طاريها
فكلٍ رحل وحده بلا مال أو عيلان
الى جنة الفردوس او نار يصليها
بعضهم ترك ذكر حسن نذكره أحيان
وبعضٍ ترك ذكرى ولا أحدٍ يدانيها
إذا من تبي ذكرٍ حسن فابتد الإحسان
بقول وفعلٍ في الجهرأو بخافيها
تواضع لخلق الله وخلك من الطغيان
فمهما تكن في يوم لابد تخليها
وترى في القناعة كنز من يملكه كسبان
يعيش بسعادة ما تقدّر مشاريها
ولقيت الحقد كالنار في داخل البركان
مريضٍ عليلٍ صاحبه من بلاويها
فليش الحقد والحسد ياصاحبي الإنسان
تبسّم وسامح لا تقرّب حواليها
وصل رحمك المقطوع باخوات أو اخوان
وكل القرايب دونما اثمان ترجيها
وخلك رحوم القلب بالعجز والشيبان
وطفلٍ يتيمٍ منحرم من حلاويها
وخلك صدوقٍ واضح القول بالبرهان
ترى في المجامل خدعة لزم تمحيها
وابنصحك يالعاقل تأمل بها الاكوان
فسبحان منشيها وسبحان منهيها
تمسك بدين الله ما ينفعك شيطان
إذا حضّر حسابك وكشفت خوافيها
ترى في صلاتك صحة النفس والابدان
ونفسٍ بلا إيمان تكثر مآسيها
تعيش الحزن والهم مهزوزة الأركان
تفتش عن الراحه وصعبٍ تلاقيها










--------------------------------
م/ن